كان عندي كمية كبيره من الفلفل الحار و قرب يخرب وأنا مااستهلكته
أفضل شي عمل الشطه فيه ، يحفظ وقت طويل بالثلاجه ٦ شهور أو حتى أكثر ، و أصح من الشطه التجاريه اللي بيكون فيها مواد حافظه و أحماض و نكهات صناعيه و غيره
المكونات بالخلاط /
– فلفل حار الكميه المتوفره
– ملح
– فلفل اسود
– البهارات ( بابريكا – كزبره – إكليل الجبل – البهارات المفضله )
– ليمونه مقشره
– ثوم
– زيت زيتون
أيضاً ممكن اضافة المنكهات اللي بتخليه ألذ مثل الطماطم المجفف أو الفليفله الحمراء المشويه بتخليه لذذذيذ
تخلط بالخلاط و يغمر الوجه بزيت الزيتون ، و يحفظ بالثلاجه
إذا حابيه خفيف مثل التباسكو ممكن تضيفون مقدار ربع كوب من المعجون مع باقي الكوب خل و بيكون مخفف مثل الشطه السائله
عوافي
شاركينا افكارك